Həndbolçumuzun komandası Rusiya Super Liqasının final mərhələsinə qələbə ilə başladı

Bu gün qadın həndbolçular arasında millimizin üzvü Katerina Peçenin formasını geyindiyi «Dinamo-Sinara» Rusiya Super Liqasının final mərhələsində ilk oyuna çıxıb. Allsport.az saytı xəbər verir ki, 1-8-ci yerlər uğrunda görüşdə Volqaqrad təmsilçisi doğma divarlar arasında «Astraxanoçka» klubu ilə görüşüb.

Gərgin keçən qarşılaşmada «ağ-göylər» 1-ci hissəni 4 top üstünlüyü ilə qapasa da, fasilədən sonra qonaqlar bir qədər fəallaşıblar. Buna baxmayraq, «Dinamo-Sinara» təşəbbüsü sonadək qoruyaraq, qalib gələ bilib – 24:23. Cavab matçı martın 30-da Volqaqradda təşkil olunacaq.