“İnter” “Bakı” ilə yoxlama oyunu keçirəcək

Məlum olduğu kimi, Azərbaycanın milli komandasının AÇ-2016-nın seçmə mərhələsi çərçivəsində keçirəcəyi matç səbəbilə Azərbaycan Premyer Liqasında fasilə yaranıb. Allsport.az xəbərə verir ki, fasilədə növbəti turun matçına hazırlıqlarını davam etdirən “İnter” yoxlama matçı keçirməyi planlaşdırır.

Belə ki, sabah bu komanda “Bakı” ilə yoxlama matçı keçirəcək. Oyun əvvəl planlaşdırıldığı kimi saat 15.00-da yox, bir saat erkən – saat 14.00-da başlayacaq.

Xatırladaq ki, yoxlama qarşılaşması “Bakı”nın təlim-məşq bazasında keçiriləcək.