“İnter”in “Atletik”lə ilk oyunu yunan hakimə tapşırıldı

Avropa Liqasının üçüncü təsnifat mərhələsində “İnter”lə İspaniyanın “Atletik” klubu arasında keçiriləcək ilk oyunun hakim təyinatları açıqlanıb. Allsport.az xəbər verir ki, UEFA sözügedən qarşılaşmanı Yunanıstandan olan ədalət təmsilçiləri idarə edəcəklər.

Matçın baş hakimi Stavros Tristonis təyin olunub. Bu hakim 2010-cu ildə gənclərdən ibarət Azərbaycan və Belarus yığmaları arasındakı oyunu idarə edib.

Qeyd edək ki, “Atletik” – “İnter” matçı iyulun 30-da Bilbaodakı “San Mames” stadionunda keçiriləcək və saat 23:45-də start götürəcək.