“İnter”in islandlarla oyunu ukraynalı hakimlərə tapşırıldı

Avropa Liqasının ikinci təsnifat mərhələsi çərçivəsində “İnter”lə İslandiya “Hafnarfyordur”u arasındakı cavab matçının hakim təyinatları açıqlanıb. Allsport.az xəbər verir ki, qarşılaşmanı ukraynalı ədalət təmsilçiləri idarə edəcəklər.

Baş hakim Yaroslav Kozik təyin olunub. Ona yan xətt hakimləri Semen Şlonçak və İqor Alexin kömək edəcəklər. Dördüncü hakim isə Sergey Boyko olacaq.

Qeyd edək ki, “İnter”lə “Hafnarfyordur” arasındakı ilk oyun sabah, cavab görüşü isə iyulun 23-də baş tutacaq.