İskəndər Əsgərov Avropa çempionatında ispaniyalı hakimlərə nəzarət edəcək

Ölkəmizin yeganə EHF nümayəndəsi İskəndər Əsgərov növbəti təyinat alıb. Allsport.az saytı xəbər verir ki, həndbol mütəxəssisi, iyunun 1-də Kiyev İdman Sarayında keçiriləcək qadınlar arasında Avropa çempionatının 2-si təsnifat mərhələsinin 2-ci qrupunda Ukrayna – Serbiya oyununda hakimlərə nəzarət edəcək.

Görüşün referiləri Xavyer Alvares Mata və Yon Bustamante Lopezdir. Onların hər ikisi İspaniyadandır. Bu yarışın final mərhələsi 4-18 dekabrda İsveçdə təşkil olunacaq.