İtaliya güləş federasiyasından diplom alan həmyerlimiz dünyanın ən gənc 1-ci dərəcəli hakimi ola bilər

İtaliyanın Faenza şəhərində yeniyetmə güləşçilərin Avropa çempionatı davam edir. Allsport.az saytı xəbər verir ki, yarışın hakimlər briqadasında 1 həmyerlimiz də yer alıb.

Bu, Kamran Əliyevdir. 2-ci dərəcəli teferimiz bu yarışda yüksək səviyyəli idarəçiliyinə görə İtaliya güləş federasiyasının prezidenti Domeniko Falkone tərəfindən diplom alıb.

Qeyd edək ki, Kamran Əliyev dünyanın ən gənc beynəlxalq hakim kimi FİLA tarixinə düşüb və o zaman təşkilatın keçmiş rəhbəri Rafael Martinetti tərəfindən rəsmi təbrik məktubu alıb.

27 yaşlı həmyerlimiz imtahan verib. O, sınaqdan uğurla keçərsə, ən gənc
1-ci kateqoriyalı referi olacaq.