Juninyonun məşhur kluba keçidi rəsmiləşdi

“Qarabağ”ın hücumçusu Olavio Juninyo “Flamenqo”ya transfer olunub.

Allsport.az xəbər verir ki, 28 yaşlı futbolçu Braziliya klubu ilə müqavilə imzalayıb.

2023-cü ilin yayından Ağdam təmsilçisinin formasını geyinən braziliyalı bu müddətdə 81 oyunda 42 qol vurub. O, premyer liqada 48 (23 qol), ölkə kubokunda 6 (5 qol), avrokuboklarda 27 (14 qol) matç keçirib. O, “Qarabağ”la ölkə çempionu və kubokunun qalibi olub.