“Kəpəz” flaqmanla oyun ərəfəsində

Premyer Liqanın 33-cü turunda səfərdə “Xəzər Lənkəran” üzərindəki qələbədən sonra “Kəpəz” Bakıya qayıdıb. Allsport.az saytı xəbər verir ki, komanda istirahət etmədən dünəndən növbəti turun oyunu üçün hazırlığa başlayıb.

Mayın 11-də Gəncədə “Neftçi”ni qəbul edəcək “sarı-göylər” sabah doğma şəhərə gələcək.  Nizami yurdunun təmsilçisi oyundan öncəki məşqi matçın keçiriləcəyi şəhər stadionunda keçəcək.

Hazırlıq saat 16:00-da başlayacaq. Məşq mətbuat və azarkeşlər üçün açıq xarakter daşıyacaq.