Kazemiro “Real”a qayıda bilər

“Real Madrid” qış transfer pəncərəsində “Mançester Yunayted”də çıxış edən Kazemironu geri qaytarmağı düşünür.

Allsport.az xəbər verir ki, “kral klubu” Kazemiro klubun gənc yarımmüdafiəçilərinin inkişafına kömək edə biləcək oyunçu kimi görür. Bundan əlavə, o, həm də oyunçuların son zədələri səbəbindən yarımmüdafiə və müdafiə xəttlərində yaranan problemlərin həllinə kömək edə bilər.

Braziliyalı yarımmüdafiəçi cari mövsümdə 16 matçda iştirak edib, 3 qol vurub. Onun “Mançester Yunayted”lə müqaviləsi 2026-cı ilin yayına kimi nəzərdə tutulub.