Badmintonçumuz İranda 2-ci oldu

Azərbaycan badmintonçusu Keişa Fatimə Zəhra İran İslam Respublikasında keçirilən 33-cü “İran Fajr İnternational Challenge” turnirində gümüş medal qazanıb.

Allsport.az xəbər verir ki, qadın badmintonçuların şəxsi yarışında mübarizəyə 1/32 finaldan başlayan Keişa finala gedən yolda İran, Türkiyə, Bolqarıstan və Hindistandan olan rəqiblərinə qalib gəlib. O, qızıl medal uğrunda keçirilən həlledici qarşılaşmada Türkiyə badmintonçusu Nəslihan Arınla üz-üzə gəlib.

Oyun turnirin reytinq favoriti Nəslixanın 2:0 (21-17,21-14) hesablı qələbəsi ilə başa çatıb.
21 yaşlı badmintonçumuz hazırda dünya badminton federasiyasının reytinq siyahısında 49-cu sırada qərarlaşıb.