Keyn Holandın rekordunu vurdu

“Bavariya” hücumçusu Harri Keyn yeni rekorda imza atıb.

Allsport.az xəbər verir ki, 31 yaşlı hücumçu buna bundesliqanın XI turunda “Auqsburq”a qalib gəldikləri (3:0) oyunda nail olub.

Qarşılaşmada het-trik edən ingiltərəli futbolçu Almaniya çempionatındaki qollarının sayını 50-yə çatdırıb. O, bunu 43-cü oyununda bacarıb.

Keyn bu göstərici ilə Dortmund “Borussiya”sının sabiq futbolçusu Erlinq Holanda (50 oyuna 50 qol) məxsus olan rekordu vurub.