Kişi həndbolçuların hazırlığı davam edir

Kişi həndbol millisi “Sərhədçi” olimpiya-idman mərkəzində təlim-məşqdədir. Allsport.az saytı xəbər verir ki, komanda mayın 16-dan bir araya gəlib.

Ölkə çempionatında göstərdiyi oyunla əsas komandaya layiq olduğunu sübut edən 18 əl topu ustası yeni baş məşqçi Nasser Salimi və məşqçi Eldar Fərəcovun rəhbərliyi ilə qarşıdakı beynəlxalq yarışlara hazırlığı davam etdirir.

Bakıda keçirilən toplanışın əsas məqsədi fiziki, texniki və taktiki keyfiyyətlərinin artırılması, komandanın qarşıdakı beynəlxaq yarışlar ərəfəsində hazır vəziyyətə gətirilməsidir.