Kuba səfiri ilə görüş

Gənclər və idman naziri Fərid Qayıbov, Kuba respublikasının Bakıdakı fövqəladə və səlahiyyətli səfiri Alfredo Nieves Portuondonu qəbul edib. Allsport.az saytı xəbər verir ki, görüşdə qonağa ölkəmizin idman potensialı və dövlət gənclər siyasəti ilə bağlı məlumat verilib. Hər 2 sahənin dövlətimizin xüsusi diqqəti ilə əhatə olunduğunu bildirilib.

Səmimi qəbula görə təşəkkürünü bildirən elşçi, 2 ölkə arasında gənclər və idman sahələrində əməkdaşlığın mövcudluğundan məmnunluğunu qeyd edərək, gələcəkdə bu əlaqələrin daha da inkişaf etdirilməsi arzusunu ifadə edib. Görüşdə qarşılıqlı əməkdaşlıqla bağlı bir sıra məsələlər müzakirə edilib.