“Lans” PSJ-yə görə verilən qərara etiraz etdi

Fransa liqa 1-də 29-cu turun “Lans” – PSJ matçının vaxtı dəyişdirilib. Qərarla aprelin 11-nə planlaşdırılan oyun mayın 13-nə keçirilib.

Allsport.az xəbər verir ki, buna səbəb PSJ-nin çempionlar liqasının 1/4 finalında “Liverpul”a qarşı keçirəcəyi oyunlara (8 və 14 aprel) daha yaxşı hazırlaşmasına şərait yaratmaqdır.

“Lans” rəhbərliyi rəsmi bəyanat yayaraq bu qərarla razılaşmadıqlarını bildirib: “LFP-nin yekdil qərarına etiraz edirik. İdman hədəflərimiz uğrunda mübarizəni davam etdirəcəyik”. Klub rəhbərliyi daha əvvəl PSJ-yə tarixin dəyişdirilməsinə qarşı olduqlarını bildirsə də, liqa rəhbərliyi Paris təmsilçisinin avrokubok maraqlarını üstün tutub.