Laporta Messini qala gecəsinə çağırıb

“Barselona”nın prezidenti Juan Laporta Lionel Messiyə klubun yaradılmasının 125 illiyi şərəfinə noyabrın 29-da “Liseo” Teatrında keçiriləcək qala gecəsinə şəxsi dəvət göndərib.

Allsport.az xəbər verir ki, Messinin 2021-ci ildə kataloniyalıların sırasından ayrıldıqdan sonra klubla münasibətlərinin gərgin olmasına baxmayaraq tədbirə qatılacağı gözlənilir.

Xavi, Andres İnyesta, Pep Qvardiola və digər klub əfsanələrinin də “Barselona”nın yubileyini qeyd etmək üçün dəvət edildiyi bildirilir.