Lebron Ceyms əfsanəni keçdi

“Los Anceles Leykers”in ulduzu Lebron Ceyms NBA-nın müntəzəm mövsümündə keçirilən oyunların sayına görə ikinci pilləyə yüksəlib.

Allsport.az xəbər verir ki, 40 yaşlı basketbolçunun aktivində 1561-ci görüş var. Bu göstərici ilə Ceyms əfsanəvi Kərəm Əbdül-Cabbarı (1560) üstələyib. Rekord 1611 matç keçirməyi bacaran Robert Parisə məxsusdur.

Lebron Ceymsin “Leykers”lə növbəti mövsümün sonuna qədər müqaviləsi var.