“Lokomotiv” 1 xalı belə olmayan autsayder “Alyants Ştuttqart”a məğlub oldu

Bu gün Bakının qadın voleybolçulardan ibarət “Lokomotiv” klubu Avropa Çempionlar Liqasında növbəti matçını keçirib. Allsport.az saytı xəbər verir ki, “dəmiryolçular” 4-cü turda səfərdə Almaniyanın “Alyants Ştutqart” komandası ilə qarşılaşıb.

Adı çəkilən matçda gözlənilməz nəticə qeydə alınıb. “A” qrupunda 1 xalı belə olmayan rəqib təmsilçimizə 3:1 hesabı ilə qalib gəlib (25:23, 26:24, 16:25, 25:16). Qazan “Dinamo”su 12 xalla liderdir. Bakı “Lokomotiv”inin 6, “Azərreyl”in 3 və “Alyants Ştuttqart”ın 3 xalı var.