London klubu baş məşqçisini göndərir

“Vest Hem” klubunun rəhbərliyi baş məşqçi Xulen Lopeteqini istefaya göndərə bilər.

Allsport.az xəbər verir ki, londonlular komandanın İngiltərə çempionatındakı çıxışından razı deyil. Lopeteqinin taleyi ilə bağlı qərar noyabrın 30-da “Arsenal”la keçiriləcək oyundan sonra veriləcək.

“Vest Hem”in yeni baş məşqçisi Dortmund “Borussiya”sının keçmiş çalışdırıcısı Edin Terziç, Danimarka millisinin keçmiş baş məşqçisi Kasper Yulmann, “Benfika”nın keçmiş baş məşqçisi Rocer Şmidt və “Ştutqart”ın baş məşqçisi Sebastyan Hönes ola bilər.