Məşhur gimnast atasının borclarına görə oğurlanıb

Məşhur rusiyalı gimnast və televiziya aparıcısı Leysan Utyaşeva uşaqlığında başına gələn dramatik hadisədən danışıb. Allsport.az xəbər verir ki, onun sözlərinə görə, 90-cı illərdə Volqoqradda atasının borclarına görə naməlum şəxslər tərəfindən oğurlanıb.

Utyaşevanın atası bizneslə məşğul olmağa başladıqdan sonra maliyyə çətinlikləri ilə üzləşib. Bu səbəbdən ailə təhdidlər və təzyiqlərlə qarşılaşıb. Bir gün məşqdən sonra Leysan atasının maşını olduğunu düşündüyü avtomobilə minib, lakin onu tanımadığı şəxslər başqa yerə aparıblar. Gimnast bir neçə saat ərzində iki kişi ilə birlikdə naməlum məkanda saxlanılıb.

Xoşbəxtlikdən, Leysana zərər verilməyib və atasının gəlişindən sonra o, azad olunub. Hadisədən sonra ailə Volqoqradı tərk edərək Moskvaya köçüb.