Macarıstan qran-prisində də eyni soyadlar: Ferstappen-Həmilton-Rassel!

Formula-1 üzrə Macarıstan mükafat yarışı sona yetib. Allsport.az saytı xəbər verir ki, dünya çempionatının 13-ci mərhələsində nəticələr 1 həftə öncə Fransada olduğu kimi eyni olub. Hunqarorinq avtodromunda “Red Bul“dan Maks Ferstappen yenə hamını qabaqlayıb.

O bu dəfə qələbəyə 1 saat 39:35.912 saniyə sərf edib. “Mersedes“ komandasından Lüis Həmilton finişə 2-ci çatıb. Onun komanda yoldaşı Corc Rassel ilk üçlüyə nöqtə qoyub.

Komandalar 1 aylıq fasiləyə çıxıb. Növbəti ötüşmə 28 avqustda Belçikanın Spa avtodromunda olacaq. Pilotlar 7004-metrlik trasda 44 dövrə vuracaqlar.