“Maddalena hələ gəncdir”

UFC yarım çəki çempionu İslam Mahaçev, son rəqibi Cek Della Maddalenanı dəstəkləyərək, onun uğurlu qayıdış edəcəyini bildirib.

Allsport.az xəbər verir ki, o, bu barədə UFC-yə müsahibəsində danışıb:

“Cek hələ gəncdir, 29 yaşındadır. Bəzi insanlar 29 yaşında ən yüksək səviyyədə döyüşməyə yeni başlayırlar. Bilirəm ki, o, geri qayıdacaq və güləşini təkmilləşdirəcək. Onun zərbələri artıq ən yaxşılarından biridir”.

34 yaşlı Mahaçev Nyu-Yorkda keçirilən UFC 322-də Della Maddalenanı məğlub edib.