Makqreqorla Trampın oxşar cəhəti

Amerikalı siyasətçi Samanta Menq irlandiyalı UFC döyüşçüsü Konor Makqreqorla görüşündın təəssüratlarını bölüşüb.
Allsport.az xəbər verir ki, Menq və Makqreqor ABŞ-ın yeni prezidenti Donald Trampın andiçmə mərasimində birlikdə iştirak ediblər.
“Konor Makqreqorla görüşmək inanılmaz şərəfdir. Hər ikimiz təvazökar ailələrdənik və mən Konorun iradəsinə, qətiyyətinə və cəsarətinə böyük heyranam. Onun nailiyyətlərinə dərin hörmətim var.

Məni ən çox heyran edən onun inanılmaz gücüdür, onunla birlikdə yanaşı olanda bunu hiss edə bilərsiniz. Və onun ən xüsusi qabiliyyəti (Prezident Trampınki kimi) ondan ibarətdir ki, Konor sizə otaqdakı yeganə insan olduğunuzu hiss etdirməsidir”, – siyasətçi sosial şəbəkə hesabında yazıb.