Marina Tankatskaya növbəti oyununu «İzmirspor»a qarşı keçirəcək

Qadın həndbolçuların Türkiyə Superliqasında fasilə yaranıb. Allsport.az saytı xəbər verir ki, milli komandamızın mərkəz həndbolçusu Marina Tankatskayanın çıxış etdiyi «Ankara Yeniməhəllə Bələdiyyəsi» liderliyini davam etdirməkdədir.

Paytaxtlılar 3-cü turda evdə«Zağnosspor»u 2 top üstünlüyü ilə məğlub edib – 25:23. Bu matçda əl topu ustamız 1 dəfə fərqlənib. Növbəti oyun səfərdə baş tutacaq. Oktyabrın 21-də «göylər» rəqib meydanında «İzmir Böyükşəhər Bələdiyyəsi» ilə qarşılaşacaq.

3 turdan sonra «Ankara Yeniməhəllə Bələdiyyəsi» son çempion «Muradpaşa» klubu ilə birgə itkisiz irəliləyirlər. Hər 2 komanda 6 xala malikdir.