”Masters” bu ölkədə keçiriləcək

Peşəkar tennisçilər assosiasiyasının (ATP) mətbuat xidməti və Səudiyyə Ərəbistanının investisiya fondu 2028-ci ildən etibarən yeni “Masters” turnirin təsis edilməsini elan edib.

Allsport.az xəbər verir ki, bu qərarla Səudiyyə Ərəbistanı ATP-1000 kateqoriyalı turnirin keçirildiyi onuncu məkan olacaq. Hazırda bu turnirlər İndian Uels, Mayami, Monte-Karlo, Madrid, Roma, Kanada, Sinsinnati, Şanxay və Parisdə təşkil edilir.

Hazırda Ər-Riyadda gənc tennisçilər arasında yekun ATP turniri, WTA yekun turniri, eləcə də tennis tarixində ən böyük mükafat fondu olan “Six Kings Slam” adlı sərgi turniri keçirilir.