Militsa Qrbavçeviç: “Qalib gələ bilərdik”

Bu gün qadın həndbolçuların super liqasının 9-cu turunda çempionatın 2 öncül komandası – “Azərsu” və “Azəryol” üz-üzə gəldilər. Matçın ilk hissəsi vitse-çempionun üsyünlüyü ilə keçsə də, növbəti yarının ortalarında “Azərsu” toparlanaraq son saniyələrdə hesabı bərabərləşdirdi (32:32).

Görüşdən sonra “Azəryol”un çernoqoriyalı legionçusu Militsa Qrbavçeviç allsport.az saytına açıqlamasında bunu deyib: “Matça yaxşı başladıq. Bunun nəticəsi olaraq, 1-ci hissəni 5 top üstünlüyü ilə başa vurduq. Amma 2-ci yarıda oyunumuz alınmadı, zərbələrimizdə xeyli qeyri-dəqiqlik oldu. Çox təəssüf, qalib gələ bilərdik”.