Milli futbolçumuzun komandası Ukrayna premyer-liqasında 1-ci yer tutub

Ukrayna premyer-liqasında mövsümə yekun vurulub. Allsport.az saytı xəbər verir ki, millinin müdafiəçisi Pavel Paşayevin şərəfini qoruduğu “Aleksandriya” 32-ci turda Donetsk “Olimpik”ni qəbul edib.

Futbolçumuzun komandası bu oyundan qələbə ilə ayrılıb – 2:0. Həmvətənimiz sonadək mübarizə aparıb. O, 18-ci dəqiqədə sarı vərəqə alıb. “Marallar” 2-ci altılıqda 1-ci yer tutaraq elitada qalıblar.