Millimiz dünya çempionatının ələməsində Türkiyə həndbolçularına yenilib

Makedoniya paytaxtı Skopyedə qadın həndbolçuların dünya çempionatının seçmə ələməsi davam edir. Allsport.az saytı xəbər verir ki, 4-cü qrupda yer alan millimiz 2-ci görüşdə türkiyəli həmkarları ilə üz-üzə gəliblər.

Gərgin keçən matç rəqibin 32:26 hesablı qələbəsi ilə yekunlaşıb. Bizdən ən çox top vuran İranə Qasımova və Marina Tankaskaya olublar. Həndbolçular hərəyə 6 dəfə fərqləniblər.

Qızlarımız qrupda sonuncu matçını bu gün İslandiya yığmasına qarşı keçirəcək.