Millimizin hər 3 həndbolçusu Türkiyə Super Liqasında sevindi

Kişilərdən ibarət milli komandamızın mərkəz həndbolçuları Türkiyə Super Liqasında mənsub olduqları klublarda növbəti matçlara çıxıblar.

Allsport.az saytı xəbər verir ki, 21-ci turda Oleq Georgiyevskinin çıxış etdiyi «Trabzonspor» doğma divarlar arasında «Konya Səlcuqlu» komandası ilə qarşılaşıb.

Matç qara dənizlilərin 2 top fərqli qələbəsi ilə tamamlanıb – 31:29. «Bordo-mavililər» hesabında 23 xal var; yarış cədvəlində 4-cı pilləyə yüksəliblər.

Sergeyin Georgiyevski və Valeri Parşkovun formasını geyindiyi «Antalyaspor» səfərdə «Gənclərbirliyi»ni 28:23 hesabı ilə üstələyib. Cənublular 15 xalla 12-ci yerdə qalıblar.