Mingəçevirin «Nur» klubu Tiflisdə yoldaşlıq oyunları keçirəcək

Mingəçevirin qadın həndbolçulardan ibarət «Nur» komandası doğma şəhərində çalışmalarını davam etdirir. Allsport.az saytı xəbər verir ki, əyalət komandası 10-12 martda keçiriləcək super liqanın 2-ci dövrəsinə yaxşı hazırlaşmaq üçün birisigün Gürcüstana yollanacaq.

Debütant 3 gün ərzində Tiflisdə bir neçə yoldaşlıq görüşü keçirəcək. Cari mövsümdə Rəna Nərəddinova, Ekaterina Peçe, Nailə Çikayeva, Fəridə Əliyeva kimi təcrübəli əl topu ustalarını böyük idmana qaytaran «Nur» çempionatda iddialıdır.İlk dövrədən sonra komanda 4 xalla yarış cədvəlində 2-ci yerdədir.