Moskvada basketbolçunu döyən şəxs 3 il həbs cəzası alıb

Moskva məhkəməsi rusiyalı basketbolçu Aleksey Şvedi döydüyünə görə, Yusif Miraşovu 3 il müddətinə azadlıqdan məhrum edib.

Allsport.az saytı xəbər verir ki, məhkəmə 32 yaşlı Miraşovu “qəsdən sağlamlığa ağır zərər vurma” maddəsi ilə 3 il ümumi rejimli koloniyaya çəkib.

2023-cü ilin mayında Aleksey Şved Moskvanın mərkəzindəki restoranın yaxınlığında döyülüb. Nəticədə o, kəllə-beyin travması ilə xəstəxanaya yerləşdirilib. İndi 35 yaşlı rusiyalı Çinin “Şansi” klubunda çıxış edir.