Müşviq İsayevin xatirə yarışı başa çatıb

Yanvarın 12-də Bakı idman sarayında 20 Yanvar şəhidi Müşfiq İsayevin xatirəsinə yeniyetmələr arasında sayca 22-ci açıq ölkə yarışına yekun vurulub.

Allsport.az saytı xəbər verir ki, Azərbaycan pəhləvanları ilə yanaşı, Gürcüstan, Rusiya, Qazaxıstan və Özbəkistandan olan güləşçilərin iştirak etdikləri rəqabətdə “sərbəstlər”də 178 nəfər arasında ilk yerləri Murad Haqverdiyev (45 kq), Ramiq Heybətov (48 kq), Kənan Heybətov (51 kq), Ruslan Şıxıyev (55 kq), Əbülfəz Nəsirov (60 kq), Cəbrayıl Hacıyev (65 – hamısı Azərbaycan) tutublar.

79 yunan-Roma güləşçisinin mübarizə apardığı tutaşmalarda Tornike Şaynidze (45 kq, Gürcüstan), Əli Həsənov (48 kq), Elmir Əliyev (51 kq), Nihad Məmmədli (55 kq), Nika Broladze (60 kq, Gürcüstan) və Xasay Həsənli (65 kq) fəxri kürsünün ən yüksək pilləsinə qalxıblar.