“Naxçıvan” əlavə edilmiş vaxtda qələbə qazandı

Azərbaycan basketbol liqasında (ABL) 2-ci turun açılış oyunu baş tutub.

Allsport.az xəbər verir ki, “Sərhədçi” idman mərkəzində keçirilən görüşdə “Naxçıvan” və NTD klubları üz-üzə gəliblər. Əlavə vaxta gedən oyunun yekununda, “Naxçıvan” rəqibi üzərində 72-71 hesablı qələbə qazanıb. Qarşılaşmanın ən dəyərli basketbolçusu “Naxçıvan” klubundan Cermeyn Merrou (23 xal, 7 ribaund, 5 asist) seçilib.