“Naxçıvan” geridönüş edərək qələbə qazanıb

Bu gün Azərbaycan basketbol liqasında (ABL) IV turun açılış oyunu baş tutub.

Allsport.az xəbər verir ki, Abşeron olimpiya idman kompleksində keçirilən görüşdə “Abşeron” və “Naxçıvan” klubları üz-üzə gəliblər. Oyunun əvvələrində hesabda geri olan “Naxçıvan” klubu sonuncu dövrədə geridönüş etməyi bacarıb və 72-68 hesabı ilə ardıcıl 4-cü qələbəsini qazanaraq, “A” qrupunda liderliyə yüksəlib.

IV turun digər oyunları (“Lənkəran” – “Ordu”, “Sabah” – NTD, “Quba” – “Sumqayıt”, “Sərhədçi” -“Neftçi”, “Gəncə” – “Şəki”) müvafiq olaraq 29, 30 noyabr və 1 dekabr tarixlərində baş tutacaq.