“Neftçi” bəyanat yaydı: “Heç bir istefadan söhbət gedə bilməz”

“Neftçi” bu gün mətbuatda yayılan xəbərlərlə bağlı bəyanat yayıb. Allsport.az xəbər verir ki, bəyanatda bunlar qeyd olunub:

“Bu gün mətbuatda Sadıq Sadıqovun istefası haqqında xəbərlər yer alıb. Nəzərinizə çatdırırıq ki, heç bir istefadan söhbət gedə bilməz. Sadıq Sadıqov “Neftçi” İdman Klubu İctimai Birliyinin rəhbəri, eyni zamanda “Neftçi” PFK-nın da prezidentidir. “Neftçi” PFK bir müddət əvvəl “Neftçi” İdman Klubu İctimai Birliyinin tərkibinə verilib. Bununla bağlı bəzi nizamnamə və struktur dəyişiklikləri gözlənilir. Bu haqda ictimaiyyətə məlumat veriləcək”.