“Neftçi” – “Qəbələ”: 59-cu qarşıdurma əlamətdar vaxta təsadüf edir

Sabah premyer liqada 20-ci tura start veriləcək. Allsport.az saytı xəbər verir ki, milli komandaların oyunları ilə əlaqədar fasilə ərəfəsində “Neftçi” və “Qəbələ” üz-üzə gələcəklər. “Bakcell arena”da matç 2 klub arasında 59-cu qarşıdurmadır.

Komandalar indiyədək 58 dəfə görüşüb. Hesabında 17 qələbə olan “Qəbələ” 16 heç-heçə edib və 25 dəfə məğlub olub. Rəqib qapısına 72 top vuran “qara-qırmızılar”, 84 qol buraxıb. Son 3 qarşılaşmada heç-heçə qeydə alınıb. Bu görüşlərin üçündə də hər 2 tərəf qol sevinci yaşayıb.

Bu matç premyer liqa çərçivəsində 54-cü qarşılaşma olacaq. Əvvəlki 53 qarşılaşmada 16 qələbəsi olan  13 dəfə bir xalla kifayətlənib və 24 dəfə uduzub. Rəqib qapısına 65 dəfə yol tapan “Qəbələ” 78 top buraxıb. 

“Neftçi” ilə səfərdə 30-cu dəfə görüşəcək əyalət təmsilçisi, rəqib meydanında 9 dəfə qalib gəlib, 8 heç-heçə edib və 12 dəfə uduzub. “Qara-qırmızılar” səfərdə 36 qol vurub, 39-nu buraxıb.

Xatırladaq ki, martın 18-də matç “ağ-qaralar”ın 85-illik yubileyinə hörmət əlaməti olaraq, saat 19:37-də başlayacaq. “Neftçi” 1937-ci ildə yaranıb.