“Neftçi” qış hazırlıq planını açıqladı

“Neftçi”nin qış fasiləsi zamanı keçirəcəyi təlim-məşq toplanışının planı müəyyənləşib. Allsport.az xəbər verir ki, yanvarın 6-da Bakıda bir araya gələcək komanda hazırlığı ayın 11-dək burada davam etdirəcək.

Yanvarın 11-də isə “Neftçi” təlim-məşq toplanışı keçmək üçün Türkiyənin Antalya şəhərinə yollanacaq. Ayın 24-də başa çatacaq Antalya toplanışı zamanı “ağ-qaralar” 6 yoxlama oyunu keçirməyi planlaşdırır.