“Neftçi” Rumıniya klubu ilə qarşılaşacaq

“Neftçi” yanvarın 11-dən etibarən Türkiyənin Antalya şəhərində təlim-məşq toplanışına başlayacaq. Allsport.az xəbər verir ki, hazırlıq çərçivəsində komandanın keçirəcəyi 5 yoxlama oyunu barədə məlumat vermişdik.

“Neftçi” sonuncu, 6-cı sınaq matçını, ötən mövsüm Rumıniya çempionatının bürünc medallarını qazanmış “Petrolul” Ployeşti komandasına qarşı keçirəcək. Oyun 23 yanvar tarixində baş tutacaq.

Qeyd edək ki, bütün yoxlama görüşləri “Mardan İdman Kompleksi”nin stadionunda təşkil olunacaq.