“Onu ilin döyüşçüsü seçməyə borcluyam”

Yüngül çəkidə UFC çempionu (70 kq-a qədər) rusiyalı İslam Mahaçovun məşqçisi Xavyer Mendes açıqlama verib.

Allsport.az xəbər verir ki, meksikalı mütəxəssis ilin ən yaxşı döyüşçüsünü seçib:

“Məncə, bu Aleks Pereyradır. Onu ilin döyüşçüsü seçməyə borcluyam. Aleks bu il üç dəfə döyüşdü və hamısında əla performans göstərdi”.

Pereyra UFC 300-də apreldə keçmiş çempion Camal Hilli nokaut edib, iyun ayında isə UFC 303-də digər keçmiş çempionu İrji Proxazka üzərində qələbə qazanıb. Daha sonra oktyabr ayında UFC 307-də ​​Pereyra amerikalı Xəlil Rountri üzərində nokautla qalib gəlib.