PAOK-un baş məşqçisi: “Məğlub ola da bilərdik”

“Komandam yaxşı oynadı. Rəqiblə müqayisədə daha üstün idik”. Allsport.az xəbər verir ki, bu sözləri PAOK-un baş məşqçisi İqor Tudor Avropa Liqasının qrup mərhələsində “Qəbələ” ilə oyundan (0:0) sonra keçirilən mətbuat konfransında deyib.

O, “Qəbələ” ilə heç-heçəni yaxşı nəticə saydığını bildirib: “Əlbəttə, Bakıya qələbə üçün gəlmişdik. Ancaq səfərdə “Qəbələ” kimi klubla oynamaq elə də asan deyil. Məğlub ola da bilərdik. Buna görə də bir xalı da yaxşı nəticə hesab etmək olar”.