Patrik Vieyra İtaliya klubunda – RƏSMİ

“Genoa” Patrik Vieyranın baş məşqçisi təyin olunduğunu açıqlayıb.

Allsport.az xəbər verir ki, Vieyra ötən gün istefaya göndərilən Alberto Gilardinonu əvəzləyib.

Fransalı mütəxəssis “Milan”, “Kann”, “Arsenal”, “Yuventus”, “İnter” və “Mançester Siti”də futbolçu kimi çıxış edib. Fransa millisinin üzvü kimi Patrik dünya və Avropa çempionu olub. O, peşəkar məşqçilik karyerasına 2015-ci ildə başlayıb.

Patrikin son iş yeri “Strasburq” klubudur. O, həmçinin “Kristal Pelas”, “Nitsa”, “Nyu-York Siti” və “Mançester Siti”nin əvəzedici komandasını çalışdırıb.