Milli həndbolçumuzun komandası liderliyə yüksəldi

Azərbaycan həndbol yığmasının üzvü Yekaterina Peçenin şərəfini qoruduğu Rusiyanın «Dinamo-Sinara» komandası qadın klubların Çempionlar Liqasının «A» qrupunda prinsipial rəqibi Almaniya «Leypsiq»inə 30:27 hesabı ilə qalib gələrək, liderliyə yüksəlib.

«Allsport.az»ın xəbərinə görə, dinamoçular 7 xalla 1-ci yerdədirlər. Komanda qrupda son görüşünü noyabrın 23-də Avstriyanın «Hipo Niderösterrayx» kollektivinə qarşı Volqoqradda doğma azarkeşlər önündə keçirəcək.