Premyer Liqada mövsümün 150-ci qolu

Topaz Premyer Liqasında 2014/15 mövsümünün 150-ci qolu vurulub. Allsport.az xəbər verir ki, “İnter” və AzAL arasındakı paytaxt derbisində (1:0) vurulan yeganə qol yubiley xarakteri daşıyıb.

Qonaqların qapısına yol tapan Junior Nildo günün sonuncu qolunun müəllifi kimi mövsümdə 150-ci qolu vurub. Bu turadək 54 matçda 143 top vurulmuşdu. 7 qol vurulan turun son topu 150-ci oldu. 58 matçdan sonra orta məhsuldarlıq 2,63-ə çatıb.

Qeyd edək ki, mövsümün ilk qolunu avqustun 9-da “Xəzər Lənkəran”ın üzvü Rauf Əliyev AzAL-la qarşılaşmada vurmuşdu.