“Qəbələ” idman klubunun kikboksçusu yunan rəqibini elə ilk raundda nokaut edib

“Qəbələ” idman klubunun üzvü Alim Nəbiyev növbəti qələbəsini qazanıb. Allsport.az saytı xəbər verir ki, idmançımız “Fight for Honor XII” çərçivəsində fərqlənib.

30 yaşlı kikboksçu Belçikanın paytaxtı Brüsseldə əsas döyüşündə 77 kq çəkidə yunanıstanlı Kostas Makedoniadislə üz-üzə gəlib.

O, qarşılaşmanın taleyini elə ilk raundda həll edib. Yunan rəqibinə nokautla qalib gəlib.