“Qəbələ” gəncəlilərlə oyununun hazırlığına başlayıb

“Qəbələ” Premyer Liqanın 36-cı turunun “Kəpəz”lə oyununun hazırlığına başlayıb. Allsport.az saytı xəbər verir ki, turun AzAL ilə ev oyunundan (2:0) sonra bir günlük istirahətə buraxılan “qırmızı-qaralar” Qəbələ şəhər stadionunda bir araya gəlib.

Ötən gün başlayan hazırlıqlarda komanda üzvləri iki qrupa bölünüb. Son matçın iştirakçıları bərpaedici hazırlıq keçib. Digər futbolçular isə toplu çalışmalara üstünlük verib. Roman Qriqorçukun yetirmələri mövsümün son oyununun hazırlığını sabah öz stadionunda keçirəcəyi məşqlə davam etdirəcək.

Mayın 20-də baş tutacaq “Kəpəz” – “Qəbələ” oyunu Gəncə şəhər stadionunda keçiriləcək. Matç saat 17:00-da başlayacaq.