“Qəbələ” – “Panatinaikos” matçı ingilislərə tapşırıldı

Avropa Liqasının pley-off mərhələsi çərçivəsində “Qəbələ” ilə Yunanıstanın “Panatinaikos” klubu arasında keçiriləcək ilk oyunun hakim təyinatları açıqlanıb. Allsport.az xəbər verir ki, matç ingiltərəli hakimlər briqadasına həvalə olunub.

Qarşılaşmanın baş hakim Andre Marriner olacaq. Ona həmyerliləri Saymon Bennetlə Li Betts kömək edəcək. Dördüncü hakim funksiyasını isə Robert Medli yerinə yetirəcək.

Qeyd edək ki, “Qəbələ” ilə “Panatinaikos” arasındakı ilk oyun avqustun 20-də Bakıda keçiriləcək. Cavab görüşü isə ayın 27-də Afinada baş tutacaq.