“Qəbələ” Serbiya klubu ilə oyun üçün UEFA-ya 19 futbolçu sifariş etdi

Azərbaycanı Avropa Liqasında təmsil edən “Qəbələ” bu turnirin ikinci təsnifat mərhələsində qarşılaşacağı Serbiyanın “Çukariçki” klubu ilə oyunlar üçün iştirak ərizəsini UEFA-ya təqdim edib. Allsport.az xəbər verir ki, baş məşqçi Roman Qriqorçuk quruma göndərilən A vərəqəsində 19 futbolçuya yer ayırıb.

Onlardan üçü qapıçı, yeddisi müdafiəçi, altısı yarımmüdafiəçi, üçü isə hücumçudur.

Qapıçılar: 1. Andrey Popoviç, 22. Dmitri Bezotosnı, 30. Anar Nəzirov;

Müdafiəçilər: 3. Voyislav Stankoviç, 8. Məhəmməd Mirzəbəyov, 15. Vitali Vernidub, 20. Rikardinyo, 21. Arif Daşdəmirov, 34. Ürfan Abbasov, 44. Rafael Santos;

Yarımmüdafiəçilər: 5. Georgi Floresku, 6. Rəşad Sadiqov, 11. Asif Məmmədov, 14. Cavid Hüseynov, 19. Aleksey Qay, 66. Samir Zərgərov;

Hücumçular; 9. Sergey Zenyov, 10. Dodo, 69. Aleksey Antonov.

Xatırladaq ki, “Qəbələ” ilə “Çukariçki” arasında ilk oyun iyulun 16-da, cavab matçı 23-də baş tutacaq. Komandamız ilk matçı səfərdə keçirəcək.