Qaltye bunu başa düşüb

Allsport.az xəbər verir ki, PSJ-nin baş məşqçisi Kristof Qaltye Paris klubundakı karyerasının başa çatmağa yaxın olduğunu dərk edir. O, artıq sayılı günlərinin qaldığını anlayıb.

Mütəxəssis gələn mövsüm PSJ-ni çalışdırmayacağını bilir. Buna görə də Qaltye futbolçularından cari mövsüm Fransa çempionluğunu qazanmaq üçün hər şeyi etməyi xahiş edib.

Qaltye ötən yaydan PSJ-ni çalışdırır. Mütəxəssis əvvəllər “Nitsa”da işləyib. Fransa çempionatı hazırda parislilərin mübarizəni davam etdirdiyi yeganə turnirdir. 56 yaşlı Qaltyenin PSJ ilə müqaviləsi 2024-cü ilin yayına kimi nəzərdə tutulub.