Qarabağ atları Türkiyədə çövkəni dirçəldəcək

Ağcabədidə yerləşən Qarabağ atçılıq kompleksindən 5 Qarabağ atı Türkiyənin Sivas şəhərinə göndərilməsi üçün seçilib. Allsport.az saytı xəbər verir ki, burada ölkənin ilk ixtisaslaşmış çövkən kompleksi inşa olunub.

Bu barədə Azərbaycanda keçirilən III MDB Oyunları ilə əlaqədar səfərdə olan Türkiyə çövkən federasiyasının prezidenti Fateh Keşə məlumat verib.

Bu milli idman növü üzrə yarışı Şəki stadionunda keçirilir. Türkiyə yığması qrup mərhələsini üçüncü pillədə başa vuraraq turnirdə çıxışını yekunlaşdırdı. Millimiz 2 qələbə ilə yarımfinala yüksəlib və medal uğrunda mübarizəsini davam etdirir.

Jurnalistlərə açıqlamasında qonaqbildirib ki, Türkiyə bu qədim oyunun dirçəldilməsinə böyük önəm verir və Azərbaycanın dəstəyi ilə bu idman növünün birgə inkişafı istiqamətində fəal iş aparır.