Nərd yarışında fərqləndilər

Gənclər və idman nazirliyi və milli idman növləri assosiasiyasının birgə təşkilatçılığı ilə dövlət qurumlarının əməkdaşları arasında nərd yarışı keçirilib. Allsport.az saytı xəbər verir ki, İçərişəhərdə 48 əməkdaş (40 kişi və 8 qadın) iştirak edib.

Yekun nəticələrə görə, qadınlar arasında Samirə Cəfərova, Sevda Əzizova (hər ikisi – SOCAR) və Valeriya Konkina (mədəniyyət nazirliyi) fərqləniblər.

Kişilər arasında Emin Mustafayev (mədəniyyət nazirliyi) 1-ci olub. Polad Həsənov (fövqəladə hallar nazirliyi) yarışı 2-ci, Orxan İsmayılov (dövlət statistika komitəsi) 3-cü pillədə başa vurublar.