“Qarabağ” bəyanat yaydı: “Neftçi” ilə oyununun hakiminin əvəz olunmasını təklif edirik”

“Qarabağ” bəyanat yayıb. Allsport.az xəbər verir ki, Ağdam klubunun bəyanatında bunlar qeyd olunub:

“Premyer Liqanın 23-cü turunda keçiriləcək “Neftçi” – “Qarabağ” oyununa Əliyar Ağayev təyinat alıb.

Ağayevin 2 tur öncə idarə etdiyi “Neftçi” – “Simurq” qarşılaşmasından sonra idarəçiliklə bağlı yaranmış narazılıq və bu gün “Neftçi” – “Qarabağ” görüşünün təyinatlarından sonra yaranmış ajiotajı nəzərə alaraq, “Neftçi”yə müraciət edirik:

“Neftçi” – “Qarabağ” matçına təyinatlar açıqlandıqdan sonra Əliyar Ağayevlə bağlı yaranmış söz-söhbəti nəzərə alaraq, onun istənilən hakimlə əvəz olunmasını təklif edirik”.